[06]soler专帖
我們是這樣長大的……soler世界人≠世界仔
13/01/2006
文： 莫雷
soler甫出道以歌會友，傳媒焦點都放在他們的音樂及俊臉上。人所共知，他們是住在澳門的意大利、緬甸混血兒，有傳他們來自意大利大家族，難道他們是意大利黑手黨的後代？當然亦有說二人「世界仔」，現揭開soler與acconci家族的神秘面紗！
孖仔soler說：「我家族總共有15個兄弟姊妹，哈哈！好係一隊球隊加啦啦隊呀！我爸爸係1905年出世，所以05年就剛剛慶祝佢一百歲！」julio與dino的爸爸oseo acconci於第一任妻子過身後再娶，第二任妻子「soler」就是julio與dino的媽媽，樂隊取名「soler」，可見他們對家庭的重視。談到最愛的家人，向來健談的他們就更加雀躍，滔滔不絕……
我們的家
julio與dino的爸爸是個藝術家，在意大利當過雕塑家及師，及後到上海做有關雲石的工作，最後在澳門偶遇julio與dino的媽媽，落地生根。「爸爸有時會去香港工作，知道澳門文化、飲食同意大利好相似，就愛上澳門，佢諗：『我要呢度死。』，結果真係！」而媽媽是緬甸架賢人，有一個像cinderella的故事，dino說：「媽媽係庶出，同親戚一齊住，好似cinderella咁，要做好多家務，親戚對佢又唔係咁好，佢就話：『我將來一定會搭飛機去環遊世界！』後來媽媽達成願望。」
排行第13及14的julio與dino，有一個非常痛錫他們的大哥，dino笑說：「我一出世就出名啦！我哥哥一知道媽媽生對孖仔，就即刻返去學校同人講：『我屋企有對孖仔呀！』佢當我同julio好似自己個仔，我踩單車、踢波、游水。」
何處是根
早前在叱頒獎台上，soler說了一句：「今晚，我係香港人！」即被澳門人在網上抨擊「做澳門人好失禮你咩！」、「二五仔！」之類的說話。dino說：「我唔會唔鍾意任何一個地方，我都會有冇根感覺，但係國籍，我完全唔care。」julio說：「我係世界人，唔係世界仔！點解一定要用國家分？本質係人，有自己名就可以喇！」冇錯，有人覺得soler「世界仔」，識講說話，十分適合做藝人，其實二人自小與十多個年紀不同的兄弟姊妹溝通，又住過不同地方，懂得閱人是自然的事。
在香港的樂壇得到不少支持，獎項會否令他們對香港更有歸屬感呢？julio說：「音樂上獎項只會令我更加小心，因為人係信任我先會頒獎畀我，所以要不斷進步，好似我第二隻碟《直覺》咁，加上好多元素，大家聽就知喇！」
化敵為友
經常提到「愛自己的國家，亦要愛別人的國家」，但這個大同世界的想法，總不會是與生俱來的，小時候會否因為外表而被人杯葛呢？二人點頭和應，julio說：「細個時佢唔同我玩，傾偈時，佢會話：『你唔係中國人，你唔知我講乜！』有時真係唔明佢講咩，有一日我同自己講：『我要學好中文』，我好努力咁學。」dino隨即笑插嘴：「我數學好差，所以趁數學堂四周圍問同學，呢個中文點讀呀？到後來本來笑我人，都變成好好朋友，當有其他人想『恰』我，佢仲保護我添呀！」
由被華人杯葛到成為好朋友，令他們更愛中國文化，當中以julio更甚：「我爸爸都係好鍾意中國文化，可能有少少遺傳，佢一凍就會棉襖，哈哈！」
from 《orison》~~~~~
http://i14.photobucket.com/albums/a348/vainlittlechris/orisun_113_1.jpg
http://i14.photobucket.com/albums/a348/vainlittlechris/orisun_113_2.jpg
http://i14.photobucket.com/albums/a348/vainlittlechris/orisun_113_3.jpg
http://i14.photobucket.com/albums/a348/vainlittlechris/orisun_113_4.jpghttp://cimg.163.com/news/bbsimages/face/30.gif
------------------
every cat has it's fall when it runs out of luck so you can do with a touch of zen
http://cimg.163.com/news/bulo/board/images/bbs_ico2.gif
----------------------------- --- -- - ---
拥有三人行论 坛管理系列软件，一个人就可以管理一个论 坛的更新维护。还能使您的论坛有千人在线的真实火暴效果，让您 不在为论坛因没有人气而留不住会员而烦恼，使您的论坛早日成为一流的论坛。详情请登陆网站：http://ww w.cnsrx.cn 三 人行论坛管理软件，站长必备的专业 好工具。（您使用的是免费版本，购买收费版本后，将不带广告。业务QQ:2 47216 4 4985227）
页:
[1]